Malinnaaleruit atuagaaraq naatsuaraq Silamut uterneq akeqanngitsumik downloadersinnaavat.
Oqaluttuani tamani anginerpaaq
|
Suna tamaat ataasiuvoq. Ataaserlu suna tamaajuvoq. Ataaseq suna tamaajusoq puigorpaa suna tamaat ataasiusoq. Ataasiussuseq puigoramiuk suna tamaat avissaaqqasutut misigivaa. Una unaavoq - uanga uangaavunga. Ataasiussuseq naassaanngitsutut aggoqqasoq misigivaa upperilerlugulu tamanna ilumoortuusoq. Suna tamaat avissaaqqasoq. Namminiaraalluni sunarujussuarmi. Uikkiartulerpoq uinnikunik tusarnaaqattaarluni. “Arlaannaalluunniit nammineeqqissaarluni piunngilaq.” Uinnikoq taamatut oqarsimavoq. “Akissut ilunniippoq.” “Imminut ilisimagit taamaakkuit silaannarsuaq guutiilu ilisimassavatit.” “Qulaani ataanituulli.” “Guutip naalagaaffia ilunniippoq.” Eqqaamajartuaalerpaalu ataasiussuseq. Ukiut ingerlanerinni avissaaqqasutut misigineq peeriartorusaarpoq. Taalliortorsuarlu Rumi atualerpaa imatut allassimasoq: “Immami kuserniunngilatit - imaq tamaajuvutit kusernermi.” Paasivaalu maani nunarsuarmi “pinnguaataasoq” avissaaqqasorinninnermik ilumoorsorinninneq. Eqqaamaqqippaalu suna tamaat ataasiusoq - ataaserlu suna tamaajusoq. Taamaasilluni namminerminut kinaassusivimminullu angerlaqqippoq. Pikkunaappallaalermat aaliangeqqippoq ineriartorusulluni, avissaaqqasorinninnermu “pinnguaat” misigeqqinniarlugu. Aallaqqaataaniilli suna tamaat puigoqqippaa - oqaluttuarlu taamatut uteqqippoq. |
Taatsi.com
Malinnaaleruit atuagaaraq naatsuaraq Silamut uterneq akeqanngitsumik downloadersinnaavat.
Facebookkimi siaruarterneqarnikooqimmat uangalu facebookkeerunnikuullunga - maana ikkutilaaqaara. Arne-Jørgen 1990-imi inunngorpoq qatanngutigiinni pingasuni nukarliuvoq. Angajoqqaavi imerajuttuupput ikiaroortarlutillu. Qatanngutai ukiuni pingasuni sisamanillu angajulliupput. Arne-p meeraanera tamaat angajoqqaavi atuisimapput.Qatanngutini angujulliit assigerusussimavai, maliinnaavittarlugillu. Ilaluarisaalaartaraluarluni nukarliugami. Qatanngutai inuusuttuaranngormata...
Abraham Maslow-imuna oqaatiginikuusaa eqqarsaatigerujooriga. "In any given moment we have two options: to step forward into growth or to step back into safety." "Qaqugukkulluunniit marlunnik toqqagassaqarpugut: ineriartornerup tungaanukarluta toqqissisimanermiillutaluunniit." Maslow nalugukku kinaanersoq tarnip pissusaanik ilisimatuujuvoq. Taassumallu sananikuuaa qallunaatut atilik: Maslow's behovspyramide. Pisariaqartitanut pyramideq. Siullertut timitta pisariaqartitai soorlu: Silaannaq...
Eqqarsartunga allallattaasalerniarlunga malinnaasoq ilinniit iluaqutigineqarsinnaasunik. Ulluni kingullerni nipaassusermiillattaavunga. Tassami ulluinnarmi naliginnaavoq, skærmip saavaneerusaarneq. Social media allallu, Youtubellattaagama. Uangalu isumanni social mediaannarnermiit ikkussat nalitunerullutik. Takullattaasunga ikkussisut nipaassuseq pillugu. Einstein, Buddha, Jesus, Nikola Tesla, Pythagoras, allarpassuillu nipaassusermeerujoortarput. Ullutsinni tamanna...